來自紐西蘭的你 (part 3/6)

One of the greatest journeys in life is overcoming insecurity and learning to truly not give a shit. - J.A. Konrath

終於同老闆講咗會去歐洲一個月, 很順利地假期已被批準. 當然她有她的擔心, 我也有我的憂慮. 但今次目的之一便是跳出comfort zone. 工作咩都唔plan, 失業就失業, 旅行咩都唔plan, 瞓街就瞓街. 幸好過往同事, 客戶及朋友睇得起在下, 一知我有機會失業便主動聯絡我將來合作機會. 所以應該點都餓唔死, 大不了咸魚白菜也好好味.

講返Queenstown, Town Center你點都會嚟. 因為食肆, 超市, Shopping, Information Center等都集中於此. 而且Queenstown 是一個海灣, 被高山緊緊地環抱著. 聽著海鷗唱著區瑞強的漁火閃閃, 望著海邊的彩色房子, 小朋友在你身旁追逐鳥兒, 美女穿著比堅尼在晒日光浴, 再加上緩緩浪聲,  所有途人都顯得很休閒, 世界就好像靜止在這刻. 攜著意中人到海灘浪漫一番, 必定Say Yes I do. 

Queenstown Town Center

Queenstown Town Center

攝於Marine Parade

攝於Marine Parade

攝於Marine Parade

我是一個天生浪漫的胚子, 但浪漫係要用好多Energy, 帶大家浪漫完, 梗係去醫肚. 首先必提的是FergBurger, 我由細到大都唔知咩叫羶味, 所以羊肉對我來說只有一種味, 叫美味. 這裡的羊扒漢堡是非常美味, 超級Juicy, 咬落去啲羊肉汁係會噴到對面(誇張手法, 哈). 不過, 超怕羶味的那誰都說不羶, 更食得津津有味.

攝於FergBurger

大家都知我係mix, 所以很喜歡面包. FergBurger旁是兄弟店FergBaker. 面包好新鮮可口, 早餐必定到此. 望住個靚境食呢到嘅面包, 不止肉體滿足, 心靈同樣滿足. 

攝於FergBaker

Remarkable有N種糖果, 啱哂我呢啲甜精

紐西蘭大部份Cafe做的咖啡都有一定水準, 我呢個啡痴更會周圍試不同Cafe. Joe's Garage座落細街內, 典型外國設計令人非常舒適. Barista手法不錯, Expresso濃而乾淨, 咖啡油豐滿而不膩. Latte咖啡與奶的比例剛剛好, 打的奶也很滑, Kimochi desu!

攝於Joe's Garage Cafe

Fishbone是另一必食, 所有菜色都正到暈. 青口更是紐西蘭必食之物.

攝於Fishbone Bar&Grill

攝於Fishbone Bar&Grill

攝於Fishbone Bar&Grill

攝於Fishbone Bar&Grill

攝於Fishbone Bar&Grill

海灘旁有一食亭賣Deep Fried, 強烈推介, Fish&Chips炸帶子炸魷魚超好食, 外脆內軟更食到食物本身味道. 而且更有生蠔, 比餐廳食平得多, 仲要即開勁新鮮. 不過我原來唔記得影相Orz, 但你地好彩, Google街景有圖, 真偉大發明.

Source: Google Map

Related Blog:

來自紐西蘭的你 (part 1/6)

來自紐西蘭的你 (part 2/6)

來自紐西蘭的你 (part 2/6)

Look deep into nature, and then you will understand everything better. - Albert Einstein

紐西蘭是一個非常環保的地方, 接近零污染. 所以大自然都得以留下最原始一面. 在Milford Sound回Te Anau途中會經過Mirror Lake, 那裡的湖水是碧藍色的, 像藍寶石一般. 在冰山背後, 太陽慢慢的落下, 湖中呈現冰山倒影, 倒影裡卻又清澈見底. 油油綠蔭下, 泛起一陣陣迷人的炫光.

攝於Mirror Lake

Panorama攝於Mirror Lake

在啓程回Queenstown先吃一個All day breakfast. 外國地方食早餐不用像香港坐得擁擠的, 務令你十分鐘內鬥快食完埋單. 簡簡單單的木枱木椅放在天然簾幕下用餐, 喝口用心製作的Latte, 看看書, 食早餐都可以食幾粒鐘.

攝於Te Anau 一間Cafe

攝於 Te Anau去 Queenstown 途上

香港人對羊都有莫名的情意結, 自駕遊的好處便是喜歡那裡便停車拍拍照. 在沿路有很多牧場, 傻傻的羊盯著陌生的我, 既好奇又驚慌. 雖然牠們都很可愛, 但我不會因此放過異常美食. 羊兒對不起了. No Exit!

攝於 Te Anau去 Queenstown 途上

攝於 Te Anau去 Queenstown 途上

攝於 Te Anau去 Queenstown 途上

攝於 Te Anau去 Queenstown 途上

在Queenstown住在一間叫Alexis嘅Motor Lodge, 很漂亮很舒適的一間住宿. 它坐落在距離市中心15分鐘車程的地方, 所以比較靜. 每間房間都有一陽台, 放著枱櫈. 房間更有French press及優質即冲咖啡. 所以我每朝及黃昏都會到Town Cetner嘅FergBaker買些新鮮麵包, 整杯French press, 看著美景, 睇吓書, 做吓功課(完全集中唔到), 夫復何求!

攝於Alexis陽台

攝於 Queenstown 一個角落

去到零光污染的地方, 我呢個聾友(龍友有少少咸濕貶意, 而我影相時真係聾架)又點會放過夜晚呢. 我一出房間門口已經見到銀河, 立即回房攞車匙, 隨意揸咗去Lodge下方的一個沙灘, 架起變形金鋼的器材, 正呀喂! 呢個就係我係Queenstown嘅夜生活, 簡直夜夜笙歌.

攝於Lake Wakatipu Ride

第二朝去一個所有遊客都會去嘅地方Skyline. 紐西蘭的戶外活動聞名於世, 有動有靜, 有安全有不安全, 有未玩就瓜同玩完就瓜的, 哈哈, 講笑. 點都好, 去紐西蘭點都要大玩特玩. Skyline有Gondola, Luge, Bungee, Mountain Bike等. 山下有Kiwi Bird館, 什麼是Kiwi Bird? 詳見: http://en.wikipedia.org/wiki/Kiwi. 紐西蘭有Kiwi Bird, Kiwi fruit, 紐西蘭人更稱呼自己為Kiwi.
山頂有可見Queenstown全景的餐廳, 也有紐西蘭土著Maori 的Haka表演. Haka為Maori的戰舞, 雖然已經太平盛世, 但紐西蘭欖球隊All Blacks都會在重要賽事跳Haka鼓勵士氣, 詳見: http://en.wikipedia.org/wiki/Haka
順帶一提, 如要去Skyline, 記住預先在網上買飛, 餐廳book定位, 很多時候套票都有折扣.

Bungy!!

Gondola

Skyline Restaurant

你搵到香港大約在哪嗎?

Way to Luge

Luge!! 建議買2-3 rides tickets, 好好玩!

Related Blog:

來自紐西蘭的你 (part 1/6)

Useful information:

Skyline: http://www.skyline.co.nz/queenstown/

Queenstown 住宿: Alexis Queenstown Motor Lodge and Apartments (http://www.tripadvisor.com/Hotel_Review-g255122-d650924-Reviews-Alexis_Queenstown_Motor_Lodge_and_Apartments-Queenstown_South_Island.html), NZD160 per night

來自紐西蘭的你 (part 1/6)

我提著一個袋子，邊走邊拾。一路上拾起無數我不想要的東西。當我遇到我真正想要的東西之時，袋子已經裝滿了 - 印度墨, 亦舒

呢排大家都好沉醉於韓劇, 我也會間中睇吓韓劇來將過多的水份排出體外. 男性大腦情感禁區長期處於靜止狀態, 根據牛頓力學若物體只要沒外力作用, 將保持靜止狀態. 所以男性要靠外力作用如失戀, 破產, 來將情感呢個物體郁下, 有助身心健康. 如果唔想咁大動作, 咁就可以用韓劇公式(詳參: 如果你既人生就好似韓劇咁)呢個外力, 將平時不能釋放的傷感力量轉移到眼球, 再將多餘嘅H2O排出. 由於女士對水腫比較敏感, 所以經常跟㯫牛頓力學排水. 我這知識份子的facebook當然充斥著物理學權威的女性朋友, 太厲害了.

上年二月回到開啓我知識之門的地方, 紐西蘭. 好多人都知紐西蘭係世外桃園, 但亦好多人以為紐西蘭係澳洲嘅一個城市. 同埋認為紐西蘭嘅公民唔係人, 係羊. 大家搞清楚, 紐西蘭係一個國家, 同澳洲係兄弟國. 係有好多羊, 但公民係人, 有4百幾萬人住架. 我讀書嘅奧克蘭市係好現代, 你唔會喺Queen's Street(奧克蘭嘅彌敦道)見到有隻羊買橙架. 大家唔好再搞錯啦.

(攝於Lake Tekapo, Church of Good Shepherd. 湖水的顏色是真的. 有說因水含石灰質高所以是粉藍色.)

是次旅行是與那誰去, 而那誰卻從未去過紐西蘭. 我啲朋友去紐西蘭係問我這個留學生, 而那誰去紐西蘭係睇旅遊書. 問題來了, 旅遊書裡拍北島的相片比南島"漂亮"多. 無論我不爛舌有幾寸, 都不能打動那誰多留時間在南島, OMG. 古語有云, 讀萬卷書不如行萬里路, 唔識路不如成世留南島. 所以記住留多點時間在南島, 特別是Queenstown.

我差點自刎先肯留耐啲南島, 行程簡介如下:
HKG->Te Anau(在Auckland轉機去Queenstown, 再揸2.5鐘車), Te Anau留3日2夜
Te Anau->Queenstown, Queenstown留5日4夜
Queenstown->Wanaka(揸1個鐘車), Wanaka留3日2夜
Wanaka->Christchurch(揸4個鐘車), Christchurch留3日2夜
Christchurch->Auckland, Auckland留3日2夜

Auckland->HKG

因為想去Milford Sound, 所以在Queenstown同Milford Sound中間點Te Anau住上2晚. 紐西蘭大部份住宿的都是Motel, 我強烈推薦大家住Motel, 不要住Hotel. 一來因為比較平宜地方寛敞, 二來大都一應俱全, 有獨立廚房及洗衣房, 服務絕不比Hotel差. 在紐西蘭自己煮食是很理想的一件事, 在超市可以買到平價優質的羊架, 牛扒, 青口等, 遠比在餐廳食起碼平一半. 食物非常新鮮, 不用太多調味已經非常可口. 如果大家想平宜點可以住Hostel, 大都很乾淨.

我們住的一間叫Aden Motel, 價錢平宜, 乾淨, 有獨立廚房及洗衣房, 事頭婆人都很nice.

Te Anau是一個小城填, Town Center 只有少量商舖及餐廳及一間中型的超市. 紐西蘭的中型超市已相當於香港的Superstore, 基本上咩都有, 日用品, 肉食, 海鮮, 飯盒都有. 在超市買隻煙雞(推介, 好嫩滑), 烚啲青口搽啲牛油夾麵包便可作早餐.



鄰近Town Center有一個長長的海灘. 由於紐西蘭位近南極, 南島海水長期冰冷. 大家晒晒太陽絕對是美事, 下水就要有深厚內功囉.

休息了一天後, 向Milford Sound出發, 大約揸咗2.5小時. 到紐西蘭旅行最好自駕遊, 因為沿路都有很多地方可以停下來, 享受大自然. 而且Adhoc想去邊或到超市都較方便.

(攝於Milford Sound途上)

Milford Sound 是一風景怡人的海灣. 那誰怕暈船浪, 所以我們沒搭觀光船看冰山瀑布, 可惜. 那海灣海旁有一徒步徑, 有少量昆蟲樹種及一大片潮退留下的沙地, 步行時間大約1個多小時. 那裡有Information Center提供各類Tour, 也有餐廳. 在此美境喝杯咖啡, 真係咩煩惱都冇哂.

(攝於Milford Sound)

(攝於Milford Sound)

(攝於Milford Sound)

Useful information:
Queenstown Tourist Info: 
http://www.queenstown.nz.com/

Car Rental: 
Apex (http://www.apexrentals.co.nz/) Pickup at Queenstown Airport,  Dropoff at Christchurch Airport, 10 days with GPS, NZD710.00. 車很新淨, 內籠乾淨, GPS準確, 好力, 慳油. 好力慳油對於長途車是很重要的.

Other Car Rental:
http://www.acerentalcars.co.nz/
https://www.rentalcar.co.nz/
http://www.hirecar.co.nz/

Te Anau 住宿: 
Aden Motel (http://www.tripadvisor.com/Hotel_Review-g255124-d302024-Reviews-Aden_Motel-Te_Anau_Fiordland_South_Island.html), NZD131.5 per night

從九型人格中了解自己

Before you were formed in the body of your mother I had knowledge of you - Jeremiah 1:5, The Bible

有鑑於師母經常問我六號的性格特點, 我嘗試分享少許經驗, 亦想紀錄低這時這刻對自己的了解. 唔知老咗會唔會覺得好有趣, 好好笑.

(Source: http://heathercarlile.com/wp-content/uploads/2011/01/EnneaGraphicLarge2.jpg)

唔知點解基督教界特別喜歡性格分析, 不過用一些工具了解自己都幾好. 增強自己的長處, 改善自己的弱點為大目標. 再而認識周邊人的性格, 明白對方, 有助加強溝通. 而其中一種常用的工具為九型人格. 另外仲有TJTA, MBTI等. 有興趣都係自己google啦, 我講返自己.

其實我從來都不太了解自己, 由細到大都經常撞板, 唔知點解反射動作式的做出一些行為, 得失不少人. 不過人大了歷練多了, 便歸納到自己行為的一些pattern. 再從性格分析知道行為及思想背後的出發點, 再進行自我調節.

I AM COUNTER PHOBIC SIX (反恐六號/反六)

簡介from Wiki: "第六型人格名為忠誠者、尋找安全者、謹慎型、懷疑論者。信任對他們是很重要的，是與他人相處並持續永久關係的基礎。別人對他們很熱情，並且想要幫助、保護他們。他們對認同的對象付出承諾和忠實，家人和朋友是重要的，這讓他們覺得自己「屬於」某個地方。他們藉著合作、可靠、負責、值得信賴、苦幹來回應他人。

一般的特點: 順從，依附權威，頑強，固執，表面附和，暗裏卻會批評別人的不是，野心不大

健康的第六型: 吸引人、讓人心動、親切可愛、友善、調皮、愛討好人、容易與人相處、抱著人人平等的觀念、不會欺壓別人、謹慎小心、忠誠行動、值得信賴

不健康的第六型因為缺乏安全感: 疑心頗大，極度欠缺安全感，極度焦慮不安，自卑心重，嚴重自信不足，顯得欠缺主見，優柔寡斷，愛誇大問題，受虐狂，導致不信任別人，甚至記仇

六型分為恐懼性六號(又稱正六, 6w7)和反恐懼性六號(又稱反六, 6w5)，正六會較為溫純、服從、口直心快、平日的動作表情起伏大，反六則較為傲慢、獨裁、被動式侵略性。其最大分別是面對恐懼和敵人的時候，正六內心會湧現"逃避"的念頭，反六內心會湧現"一定要自行破除一切恐懼"的念頭，在面對困難時變得有侵略性，原因是出於反抗，在使用手段上反六更是18個側翼性格中最強。但無論正六還是反六，他們的行為都是出於內心的恐懼。

反六外表比較鎮定和矜持，外表上也很能剋制，任何時候也很能保持思考及行動能力，愈挫愈奮，也因為較為猜忌，容易妄想，過度防衛自己，自以為是而難以相處。

處於安定和人格提升時：走向第九型，能順其自然，信任身邊的人，樂意效忠所屬的群體，並願意放下自己拘謹的態度和防衛機制。
處於壓力和自我防衛時：走向第三型，變成工作狂，為求達到目的，會不顧一切，並傷害那些曾傷害過自己的人。

最佳狀況：變得自我肯定、相信自己、獨立而又平等地相互依賴。對自我的信心使他們有積極的態度，顯示出勇氣、領導才能、豐富的創造力、以及自我表現能力。"

以上的概括喺網上或書本上都容易搵到. 所以, 下篇我會憶述師母的探討.

如你是我朋友又有興趣做測驗, 可直接問我攞卷做, 我會根據對你的認識程度做性格分析. 由於我不是專家, 隨口噏, 你封返幾舊水利是俾我就得, 呵呵呵. 試卷亦不會對外開放, 請見諒.

我係偉大藝術家

The highest art is always the most religious, and the greatest artist is always a devout person. - Abraham Lincoln

昨晚發了一個比被鬼壓更慘的夢. 在夢裡, 我正在睡覺. 而在夢裡夢, 我被鬧鐘吵醒繼而嚇醒真實的我, 然後發現才半夜三點. 慘絕人寰. 真係平生做開虧心事, 半夜一閃一閃小X星, 瞓唔夠真係好炆. 人嘅腦部真係好奇妙, 控制你身體動作之餘仲會有思想, 但是思想究竟是什麼?

(Source: http://upload.wikimedia.org/wikipedia/commons/thumb/7/78/Paris_2010_-_Le_Penseur.jpg/399px-Paris_2010_-_Le_Penseur.jpg)

學術同坊間都有很多解釋, 大家有興趣可以google吓. 而我的腦部也很奇妙, 經常有些古怪的念頭, 好似點樣可以唔返工但有人工, 談戀愛但唔好煩唔洗氹, 唔俾家用但阿媽生活都無憂.
大學時我修讀Computer Science, 工作自自然然當上了I.T.宅男. 話時話, 十個新認識的朋友裡面九個都估唔到我做I.T.. 真係有樣睇? 我猜可能因為我廢話太多, 好無聊. 或者成日吹水, 好唔踏實. 哈哈. 我很喜歡數字, 推理, 分析(呢個係大部分男人嘅優點, 但亦係女朋友訴苦時嘅缺點. 佢訴苦時你幫佢分析你十成九都死梗. 剩返果一成係都差唔多分手, 因為已經放棄了你.). 所以理論上我應該左腦比右腦發達, 而現實又好似唔係. 因為同時我感情豐富, 經常自loop. 又很喜歡攝影, 爵士樂, 參演及欣賞舞台劇, 幻想新點子(用幻想唔用構想因為我好少付諸實行). 咁究竟我左右腦係一樣發達定一樣遲鈍呢? 啲好朋友唔洗俾答案我, 我知架啦. 多謝哂.

有很多著名的攝影師都道出, 要成為一位出色的攝影師, 首先你要覺得自己是一個藝術家, 跟住講一大堆攝影師同藝術家嘅分別. 為咗實踐成為一個藝術家, 經過一番努力, 我終於擁有完美嘅藝術家脾氣. 現在只差一個機會, 希望喺歐洲之旅有啲啓發. 認真mode, 都希望思考一下堅持已久的信仰. God bless me.

呢張相你睇到除咗型男之外, 仲睇唔睇到其他? 睇唔到? 証明你藝術感唔強囉, 右腦唔多發達. 型男都睇唔到? 咁連左腦都唔多發達. 你腦部損毀好嚴重!

不過, 套用黃子華一句, 偉大嘅藝術家生前唔會受人重視. 而我知我係一個比偉大嘅藝術家更偉大嘅藝術家, 因為我連死後都唔會受人重視. 哈哈. 今篇無聊亂寫純粹自high, 大家得閒可以扮吓藝術家自high一番, 將啲狂想妄想爆發一下, 幾炆都變到唔炆, 人生會快活好多.