菲律賓潛行醉激 (part 2/3)

古語有云: 生仔冇老婆唔緊要, 但係冇菲傭就唔得. 潛水冇氧氣唔緊要, 但係冇相機就唔得.
今次問朋友借了部GoPro Hero 3來體驗水底攝影, 發現1000張相中999張有大師級味道, 攝影最高境界"鬆郁濛". 剩返果一張係水面上影嘅. 其實GoPro係一部平靚正嘅好嘢, 但由於我冇外置LCD View Finder, 構圖真係亂Q咁嚟. 而且唔知亦冇得調教快門同ISO, 所以完全斷估好痛苦. 下次都係買返部G16, 以免一濕足成千股痕.

僅有Sharp啲嘅, 全靠唔郁嘅麻豆, 歸功龜公. 攝於La Laguna 4米深近岸

如果你問我菲律賓有咩好玩. 除了潛水, 無論係 snorkeling還是 scuba diving外, 我真係諗唔到菲律賓仲有咩好玩. 不過唔潛水, 陽光海灘大自然, 價廉物美又近嘅地方, 菲律賓真係一個唔錯嘅選擇. 但係去菲律賓唔潛水真係嘥咗囉.

出發去Long Beach玩沙

由於冇水底相俾大家睇, 唯有俾啲去玩水嘅相大家睇啦.

工作專注嘅男人特別型

攝於Long Beach

攝於Long Beach

到達Long beach, 點知已經潮退, 行出海兩步便全是海膽珊瑚石頭, 完全不能游泳. 正當我們百無聊賴之時, 有另一船夫撩我們出海看珊瑚. 起初我們以為是浮潛, 點知係非一般的浮潛. 船夫會扒著一架獨木舟, 獨木舟外左右各有一枝竹作支架有助平衡. 他會將船扒出海中心, 而我們戴著潛水鏡抓著支架浮在水面任他拖行來觀賞珊瑚. 如果事前知道係咁安排, 我一定唔會玩. 因為潮退的關係, 由岸邊被拖拖拖行出海, 那些珊瑚石頭就在我面前差點與我親吻. 幸好我有武術根基, 伏在海面都能做出拱橋的動作, 以救生衣作為屏障保護, 以防珊瑚石頭情不自禁地擦到我爆缸, 更保護梁氏子孫. 不過那種高姿態的動作難倒了一位團友, 其小腿擦出一道道愛的傷痕, 船夫母親難免被問候"請你好好放低".

島上有很多貓兒, 大都很瘦, 不過它們都很自由. 証明追求民主自由係要付代價.

日防夜防貓賊難防

既然海中貢多海膽, 漁夫我要打十個

當然不及日本馬糞, 不過勝在新鮮

島上最好餐廳之一Tamarind Restaurant at Sabang

Beef Carpaccio

另一間餐廳 at Big La Laguna

蘋果味生力, 有啲似Applecider, 好飲

菲國獨有魚生, 味道酸酸的, 有趣

Related Blog:

菲律賓潛行醉激 (part 1/3)

Useful information:

Action Diver: http://www.actiondivers.com/

菲律賓潛行醉激 (part 1/3)

You have your way. I have my way. As for the right way, the correct way, and the only way, it does not exist. - Friedrich Nietzsche

菲律賓, 香港人一聽到這三個字便莫名氣憤. 究竟有多少是出於義憤, 民族情感, 還是個人情緒? 我不知道. 但當父母知道孩子要到菲律賓旅行, 三寸不難之舌都沒有辦法說服他們的阻撓擔心無奈不安. 只能半安慰半強行地堅持出發. 因為它是世上著名又罕有的美麗群島, 潛水愛好者必到之地.

攝於搭酒店專用船的碼頭

上次我去一個島嶼叫Bantayan, 一個很小的島嶼, 迷人的珊瑚, 浪漫的白海灘, 簡樸的沙灘屋, 都令人懷念. 可惜那時我只會浮潛, 沒能好好欣賞水底世界. 今次已領有Open Water潛水資格的我與朋友們去另一島嶼叫Puerto Galera, 簡稱PG, 潛水玩樂之餘考埋Advance Open Water.

PG 有很多潛點

由馬尼拉機場去碼頭大約2小時車, 再由碼頭搭船去PG大約1小時. 我們一行6人, 方便起見梗係叫酒店接, US$300除番6個人唔會貴搭公車公船太多.

攝於搭酒店專用船的碼頭

熱情的小朋友不斷向我們揮手. 攝於搭酒店專用船的碼頭

抵達PG

由於6人同行, 住宿可以揀Villa. 我們選了Out of the Blue, 應該是全島最漂亮的Resort, 每人每晚都係US$75, 值得推薦. 可惜復活節比較full. 頭兩晚住在旁邊的Portofino, 後三晚住在Out of the Blue.

攝於Portofino

Portofino 房間不太特別所以冇影相. 現在帶大家睇吓Out of the Blue示範單位.

Villa在山上, 每次行呢條樓梯都異常精神

在露台有一張按摩床, 當然冇人敢在此獨自赤條條地按摩讓其他團友觀賞.

Villa有三房, 可住6人. 其實個廳啲梳化足夠你屈蛇多幾個.

設備超齊全的廚房. 任你搞到幾亂, 第二朝都有人幫你洗晒啲碗執乾執淨. 有時漁民會進入酒店向你兜售海鮮. 我地買過特大虎蝦, 有成十寸長, 都只係三十蚊港紙一隻, 抵都爛. 所以廚房好重要.

Villa有兩層, 都有露台. 下面係廳, 上面係房.

酒店包早餐, A至H任㨂一款. 味道不錯仲好飽添, 因為早餐竟然有黯然銷魂蛋牛飯. 女士可揀yogurt, corn flake, 另仲有omelette, english breakfast等. 

Villa外有燒烤爐, 在泳池旁燒嘢食別有一番風味.

Useful information:

PG 住宿: 

Portofino Beach Resort (http://www.portofino.com.ph/), Single/Double bedroom US$58 per night + 12% VAT
Out of the Blue Resort (http://www.outoftheblue.com.ph), 3 bedrooms Villa US$405 per night + 12% VAT

Transportation:

Full private transport each way by Out of the Blue for 6 people (air conditioned van and private boat). Pick up at Manila airport. US$300