電波中年之斯洛文尼亞篇-Trbovlje (part 1/2)

All journeys have secret destinations of which the traveler is unaware. - Martin Buber

離開Graz後(電波中年之奧地利篇-Graz (part 2/2))，出發去一個神秘嘅地方Trbovlje。聽過呢個地方嘅揮一揮手，我相信少之有少，因為連Local都唔識，哈。

維基一下，Trbovlje, 中文譯"特爾伯夫列", 發音"踢波里"(要帶強烈R音). 是斯洛維尼亞的一個城市，人口約18,052人，面積57.8平方公里。現為該國第九大城鎮。
好難想像第九大城鎮都係得萬八人。因為個鎮唔多人，好處係全部都係隔離鄰舍，Sibila話佢識個鎮大部份嘅人，出一次街打招呼都打到天黑，好窩心。壞處係好多是非。同埋千奇唔好做錯事，事關俾全鎮嘅人生擒。我喺到諗，俾成個旺角嘅人生擒已經好驚，而家仲要係俾全港生擒，除咗周潤發都冇咩人有呢個能耐。
同埋結婚對象一定係青梅竹馬白頭到老。如果分手，全鎮嘅人都想知，一出街幾百個"Hey, what's up? How's going?"，真係語帶雙關，諗起都興奮。

佢就係我係Trbovlje嘅Host, Sibila

Trbovlje係一個工業城市，以前以採煤為主。亦由於此沒有什麼景點，所以Sibila先帶咗我去參觀博物館。而Sibila嘅爺爺更係令佢引以為傲嘅煤礦工人，因為採煤係一個辛苦又搏命嘅工作。果陣時嘅科技，真係隨時冇命。為咗家人可以去到幾盡？

剛巧那天是一年一度慶典Rdeci Revirji Festival。由於小冊子只有斯洛文尼亞文，簡稱斯文，剛巧我歐語上未研究斯文。所以只知此慶典同斯洛文尼亞以前政治體制社會主義有關，同埋有嘢食有Show睇。免費，YEAH!!!!!

地道pancake有啲似冇糖漿嘅熱香餅

呢個好味，有薯仔煙肉通粉等炒埋一堆

食飽後大家等睇表演

這個是評審嗎？

首先出塲係消防演習，真係估你唔到

但願我是阿Ann

佢地表情話我知佢地都係咁諗

據聞在扮現一班小精靈

唔少得要同Sibila個女Masa來張Selfie。那動人時光，不用常回看。能提取溫暖以後渡嚴寒，就關起那間房。