一個人旅行有幾出奇

Faith is taking the first step even when you can’t see the whole staircase. - Martin Luther King

人生的意義會隨著人生經歷而變化. 人生變化有三種, 小變化, 大變化同無變化. 有啲似黃興桂添, 哈. 我的屬於大變化中的小變化. 而夢想有時會在失意時才去追尋, 奇妙的事情卻總在追夢時不斷發生.

早前回母親家吃飯, 我跟她說四月會同朋友去菲律賓, 五月會去歐洲流浪. 與我娘親熟識的親友都知呢個世界有幾危險, 大陸有毒食物, 日本有幅射, 美國有恐襲, 印度有強姦, 非洲有食人, 泰國有暴動. 當然菲律賓同歐洲都係黑名單, 除了天堂都應該冇咩地方可以去. 所以維珍開始有飛機去太空, 目的地梗係天堂啦. 

話時話, 我唔知大家點睇菲律賓, 有啲朋友跟我說最憎菲律賓(他們不是事件受害人), 好憎阿基諾三世, 所以一世都唔會去. 其實我都好好好憎阿基諾, 也不太喜歡菲律賓人. 因為上次去菲律賓旅行, 我也遇過很多不負責任的人. Everything say yes but no show. 但我生活上也遇到很多好嘅菲律賓人. 還記得我以前的鐘點在人質事件後跟我說對不起, 她說睇到新聞都哭了出來. 其實完全唔關佢事, 相對於一些冷漠的香港人她的真誠可令我很慚愧. 而且憎菲律賓人不需要憎菲律賓. 菲律賓只是一個地方, 人得罪你, 唔係個地方得罪你. 當你見識過菲律賓嘅海底世界, 你便會驚訝創造的奇妙, 會好後悔講過一世都什麼什麼的說話.

(Source: http://planetphilippines.com/wp-content/uploads/2010/01/corals-marine-life.jpg)

太多題外話了, 哈. 為什麼一個人旅行已經太多人講, 我唔想再重覆. 而我喜歡一班人去, 也同樣喜歡一個人去. 朋友啱期咪一齊, 唔啱期咪一個囉, 幾簡單. 

我今次已經不是第一次一個人去旅行. 數年前想放自己幾日假, 便一個人去了海南島. 非常寫意也非常hea, 每天都只是躺在沙灘看看書, 一條佬去海鮮市塲叫了一枱海鮮, 休哉遊哉, 快活過神仙. 不過, 幫我訂機票酒店的朋友問我細佬係咪有心事. 哈哈, 有心有心.
上年, 好友送我豉油(6天免費酒店coupon), 我就出隻雞(3千幾機票加幾千洗費)去咗轉布吉. 因為太多時間便報了初級潛水班, 立即麥當當上身I'm loving it. 喺香港點都剔唔起心機去學. 一來3千幾好似好貴, 二來要去西貢好似好遠. 襯去旅行, 洗錢鬆手啲. 

同埋一個人去酒吧街係會有啲好marvelous嘅事情發生. 你知道泰國咩最多㗎啦, 你去完會好想立即返香港驗眼, 究竟係鬥雞定係幻覺. 

布吉巴東酒吧街有數十間酒吧, 每間都有很多在跳光管舞的女郎, 我隨意揀了其一間酒吧. 有一些酒吧女郎熱情地走過來. 我不太習慣與他們?她們?溝通, 所以我都表現得很冷漠. 反而bartender見我飲悶酒, 撩我玩五子棋. 根據我在書本上對她們的認識, 有些一眼便能分辨, 有些特別漂亮也能歸納. 那位bartender不算美, 便像大家僱用的菲僱樣子一般. 聲音也沒特別尖銳或低沉, 所以很放心地玩吓棋傾吓計. 基於我喜歡尋求人類學奧秘的精神, 而且開始傾熟咗, 我便問她跳光管舞的是ladyboy還是real girl. 點知佢哈哈大笑話全部都係real girl. You're lier...我心諗. 跟住佢同我講其實佢係ladyboy...我差啲將口裡的啤酒噴出來. 我絕對沒有歧視, 只是太意外, 令我對她們有一番新見解, 原來歸納係冇公式架. 


一班朋友去你只會同朋友玩樂, 同女朋友去你嘅視線都只敢維持於零度, 條頸仲側過側田咁凝望住女友啲眼屎直到離開, 同家人直情唔會去啦, 怕嚇親令壽堂. 點解架巴士冇人讓座嘅? 咁多人扶住條柱仲話唔係巴士, 衰仔蝦我未搭過泰國巴士呀? 所以呢啲咁marvelous嘅經歷我相信只有一個人去才會發生, 真係好有趣好難忘.

如何善用 60000 Asia Miles(part 2/2)?

上篇講咗飛行里數換多張機票的計算方式, 參"如何善用 60000 Asia Miles(part 1/2)"
今次講打hotline訂位的三個竅門: 耐性, 彈性及果斷.
所以你打Asia miles hotline 成功book到位, 不妨寫埋落Resume. Interviewer問你點解請你, 因為你有耐性, 彈性及果斷. 我唔信你搵唔到工.

Asia miles嘅hotline電話: 27473838. 大家都知係非常難打得通. 所以大家都可以試埋Marco Polo個電話: 27475500. 不過我都覺得好難打得通. 所以大家要有耐性. 有傳言半夜打去或揀英文會容易啲通, 我就未試過. 如果大家日間沒空聽個零鐘悅耳的Call Waiting Music, 不妨一試半夜打去或揀英文. 我今次經驗打咗三次分別等咗個半鐘, 半個鐘及兩個半鐘.

既然大家知道個電話咁難打, 事前便做好準備包括多個可考慮的旅遊時段, 多個可考慮的目的地及開定google map. 最好一take confirm咗張機票, 亦唔好waiting list. 唔係又要打多次電話真係命都短幾年.

雖然個電話好難通, 但operator嘅服務真係要一讚. 我原先想六月頭出發, 去歐洲一個月, 主打德國, 咁就問HKG->Frankfurt, 點知1-7 Jun都冇位. 立即望住個google map,

問佢歐洲邊到有port, 佢好有耐性咁幫我掃哂大部份中歐port, HKG->UK->Frankfurt, HKG->Milan, HKG->Paris..etc. 點知全部都冇位. 咁我唯有問五月尾出發, 搞到要請假添. 逐個port掃, 終於hold到HKG->Milan. 跟住就掃回程, 又hold埋Frankfurt->HKG, 整整一個月, YES!!!
由於今次以backpack為主, 最想去德國同斯洛文尼亞, 剩返啲飛行里數睇吓可否掃多幾張機票, 慳返啲火車錢. 由於唔多鍾意意大利, 所以問三日後Milan->Vienna及兩星期後Vienna->Berlin. CX當然冇機咁飛, 但可選擇其他Asia miles partner airlines. 竟然大把位, 不過由於係partner要兩日內confirm, 唔係就放返出去. 與其要我打多次hotline confirm, 咁我梗係立即confirm哂所有機票啦.

結論
1. 耐性, 彈性及果斷
2. 兌換round trip可以出幾張single機票咁(Open Jaw), 我會喺Berlin搭火車/巴士一路沿德國南部玩到Frankfurt返港，唔係喺Berlin走
3. 如果domestic flight冇位或Asia miles冇partner, 可考慮另外自購當地budget airline或其他交通工具. 加強你嘅彈性
4. 如果飛多個國家, 稅及燃油費梗係會多啲啦. 我今次德國, 奧地利, 意大利大約三千幾, 個人覺得合理
5. Asia Miles Hotline Operator 超 nice!!! 又建議我點飛又掃咗N個port, N個日子有冇位, 講咗成個鐘(點解個電話咁難打原因之一, 哈)都依然friendly

PS: 如你有經驗都用得啲飛行里數好盡, 記住同我分享喔, 呵呵呵!

如何善用 60000 Asia Miles(part 1/2)?

太多朋友問我點換Asia Miles, 所以我決定寫少少攻略俾大家.
我今次用6萬飛行里數換咗啲咩?
HKG->Milan
Milan->Vienna
Vienna->Berlin
Frankfurt->HKG
4張機票都係6萬分
其實我以前好似大家咁都有一種誤解, 以日本為例要3萬飛行里數, 所以3萬飛行里數只能換一張來回東京機票, 好唔抵, 事實並非如此.

什麼是飛行里數?
飛行里數除了代表分數外, 也代表你兌換一次行程裡(N張機票)的所有飛機行程總和不得超過實際飛行距離上限. 好清楚? 大家明白哂? 唔好意思我自己寫完都唔係好明, 等我舉個例子:
香港飛東京(要求3萬飛行里數-Zone B)再飛大阪先返香港.

但實際上香港飛東京的真實距離為大約2000里,東京飛大阪大約300里, 大阪飛香港大約1600里, 總共2000+300+1600=3900里, 同東京來回(4000里)差不多. 剩餘的里數你可以選擇除了去東京又去大阪外再飛多些地方, 但所有機票加埋的真正飛機行程總和不得超過實際飛行距離上限. 講到呢到你留意到問題你便很眼利, 明明Zone B係2500, 香港東京要4000已經超過上限, 即係點? 原因有三:
1. 4000只是網上飛行距離計算機計出來, 同航空公司計的有出入.
2. 某些地區有特定條款.
3. 我都唔知, 但理論上係咁計, 哈哈.

再簡單啲, 喺Asia Miles有一個叫Flight Award Finder嘅function可以計算機票所需飛行里數. 有個制叫Add Sector可以俾你飛多個地點.

但這個計算機最多只能計4張機票, 而且網上訂位也不支援multi destinations, 所以到最後大家都要做一樣唔想做嘅嘢, 就係打去hotline.

下篇再講打hotline攻略

人到中年先電波

It is good to have an end to journey toward; but it is the journey that matters, in the end. ― Ernest Hemingway

工作了十年, 這十年間有時會一個人閒坐咖啡室, 酒吧喝杯紅酒, 在街上漫無目的亂逛, 甚至在浴室在床上想想人生. 回憶一生做了什麼, 有什麼還在我腦海, 那些片段總是令人懷念, 是我的潘朵拉盒子, 神秘哀傷又有希望. 

而這十年信用卡sss的消費應該有過十萬? 過百萬? 肯定我未有能力過千萬, 但盒子放出來的這件事已經夠悲傷. 不過, 隨之以來的是數萬飛行里數, 為我人生燃點少許希望. 之前我曾經用30000分換了2張Bali來回機票. 之後因著多張新卡的迎新優惠, 銀行開戶優惠又儲到60000分(我從未炒過 iProduct). 原先計劃換2張日本來回機票, 但現在情況變了, 把心一橫換1張歐洲來回. 散心之餘, 遊歷一下, 想想人生下半塲.

其實我都沒有什麼計劃, 在網上見到斯洛文尼亞(Slovenia)的照片很美, 便一心想去那地方

(Source: http://www.thousandwonders.net/Lake+Bled)

剛巧5月尾工作合約期完, 便打算用一個月時間去歐洲流浪. 件事好似好型, 但其實我這個年紀係有少少驚. 又怕玩完後失業, 又怕迷路要瞓街. 我以前不像現在的年輕人多生在小康之家, 大學畢業後仍有盤桓流浪. 身邊朋友也笑我這年紀才流浪會否遲了點. Who cares? 只想做件自己想做的事, 不用老來後悔. Money is not your life, spend it on something worthy to gain your life back.