電波中年流浪人生: 8月 2015

2015年8月29日星期六

電波中年之斯洛文尼亞篇-Ljubljana (part 1/2)

Love has reasons which reason cannot understand. - Blaise Pascal

尋晚睇咗套意大利電影Hungry Hearts，它講述何謂愛。每個人對於"愛"都有不同程度的差異，所以實質行動也各異。當對方的行為與自己的認知有衝突時，便會用對錯來判定事情，甚或認為對方沒有愛。然而事情是否如此非黑即白，學習認識灰色接受灰色是一個重要的歷程。

Host Andreja

Ljubljana係Slovenia嘅首都，亦係我Slovenia嘅尾站。雖則係尾站，但我有兩天參加咗DT去Skocjanske Jama, Postojna Predjama, Lipico同Piran，之後會再講。
今次我係Ljubljana借宿嘅係一個靚女大學生的房間！！！一眾宅男係咪好葡萄呢。其實Andreja同另外兩個同學夾租住一個單位。佢地三個都半工讀，真不得了。因為Andreja好鍾意去旅行，由於經費有限而多數CouchSurf借宿，所以她亦很樂意其他旅者到她家借宿。

嚟到Ljubljana一定要去城堡Ljubljanski grad。它座落係市中心，非常易去。在古代有戰略上嘅考慮，因而建在山上，上到去可以觀看Ljubljana全景。

有趣的表達

一些古老的玩具

歐洲多數堡壘都是一個迷你博物館及藝術館

藝術家可以用ancient fonts寫字，唔知可唔可以幫我張揮春不勞而獲呢？

離開沿途見到一班在玩耍的小朋友，簡單遊戲都好開心

2015年8月25日星期二

電波中年之斯洛文尼亞篇-Trbovlje (part 2/2)

為何我會選擇遊覽Trbovlje？如果有睇我之前嘅Blog男人的浪漫，就知我這趟歐遊是首選CouchSurf作住宿。雖然我去Slovenia主要係去Bled。但是由於都想體驗小村風情，所以特意選上Slovenia中部作旅點。剛巧Sibila回應我CouchSurf的申請，便住上了兩天。

可愛的流浪貓兒很喜歡到Sibila的家

Sibila是個好的Host，她特意駕車來火車站接我，請我食Pizza。我們經常在露台嘆咖啡吹水，有朋自遠方來，不亦樂乎。當然，我送上香港美食旺旺及甘大枝為回礼。別少看它們的魅力，不少Host都被我嘅物質所迷倒。所以打算CouchSurf的朋友，不妨預備一些地道美食作手信，可能有意思不到的效果。

Local beer

綠色的是一種獨有的椒，味道有點像Wasabi

Sibila返工時，自己一個隨處走走

我估可能係打獵戰利品

又一少女為我著迷

Sibila是開士多的，我便跟著她去入貨。她士多有少量中式用品如豉油，都有市場架。如有人有興趣做貿易，我可以搭路架。少林功夫加Trading有冇得諗？

屋企自家種植

Local士多啤梨超平，唔大粒但多汁，正

紐西蘭有隻能量飲品叫V，Trbovlje有隻能量飲品叫Q

好了，兩日特別嘅行程就咁結束。出發去下一個城市斯洛文尼亞首都Ljubljana。

Related Blog:
電波中年之斯洛文尼亞篇-Trbovlje (part 1/2)

2015年8月18日星期二

電波中年之斯洛文尼亞篇-Trbovlje (part 1/2)

All journeys have secret destinations of which the traveler is unaware. - Martin Buber

離開Graz後(電波中年之奧地利篇-Graz (part 2/2))，出發去一個神秘嘅地方Trbovlje。聽過呢個地方嘅揮一揮手，我相信少之有少，因為連Local都唔識，哈。

維基一下，Trbovlje, 中文譯"特爾伯夫列", 發音"踢波里"(要帶強烈R音). 是斯洛維尼亞的一個城市，人口約18,052人，面積57.8平方公里。現為該國第九大城鎮。
好難想像第九大城鎮都係得萬八人。因為個鎮唔多人，好處係全部都係隔離鄰舍，Sibila話佢識個鎮大部份嘅人，出一次街打招呼都打到天黑，好窩心。壞處係好多是非。同埋千奇唔好做錯事，事關俾全鎮嘅人生擒。我喺到諗，俾成個旺角嘅人生擒已經好驚，而家仲要係俾全港生擒，除咗周潤發都冇咩人有呢個能耐。
同埋結婚對象一定係青梅竹馬白頭到老。如果分手，全鎮嘅人都想知，一出街幾百個"Hey, what's up? How's going?"，真係語帶雙關，諗起都興奮。